Que sistema educativo queremos?

Hai tempo que tiña pensado subir este vídeo de Ken Robinson, toda unha autoridade mundial no eido educativo. O certo é que o outro día, que faltaran moitos compañeiros, estivemos a falar sobre o que se espera dos alumnos e do que "teñen" que dar en forma de esforzo e resultados. Seguro que moitos non entendestes gran cousa do que eu dicía sobre que estamos nun momento de cambio e que o camiño está aberto mais non está tan claro cal das direccións coller.

Quizais co video se faga máis luz á cuestión. Titúlase "cambiando os paradigmas", e o que nel se formula é de enorme transcendencia pois preconiza o que, lentamente, está a chegar: un cambio do modelo educativo.

Hoxe, seguro, que en múltiples eidos se dirá que non é o momento, entre outras cousas, por aquilo da crise. Quizais pódese indicar que, precisamente, nos momentos de crise é cando se fan os cambios pois, cando todo vai ben, non vemos a necesidade de tocar nada. Como contribución ao debate tan só un dato: mentres en España e na Galiza o investimento educativo se reduce e mingua -si, xa sabemos que non hai recurtes-, na Alemaña ou en Finlandia, está a aumentar. Atención, pregunta: quen prepara mellor a saída da crise? quen está a asegurar mellor o futuro?

Seguiremos con esta cuestión máis adiante.

Eleccións 20 novembro

Aquí temos o resultado das eleccións seguido en tempo real. É un widget ofertado por "El País"; todo un detalle.  Está claro que, ás veces, a informática serve para algo.

A Unión Europea-3

Picando na imaxe, que fai referencia ós 6 países fundadores da UE, poderás ver un muraliño no que se concentra gran parte da información que se ha empregar no tema da UE e que complementa a xa ofrecida. Hai algunhas cousas curiosas coma o vídeo no que se amosa a sinatura da adhesión de España á UE, ou un organigrama actual da propia Unión, ou un mapa cos países que forman parte do euro.

A Unión Europea-2

Aquí vos deixo unha presentación do meu apartado no servizo de Slideshare na que se trata do proceso de adhesión dos diferentes países á Unión Europea. Con ela pódese estudar secuenciadamente tal proceso dun xeito rápido.

A Unión Europea-1

Aquí comezamos a subir algún material para cando cheguemos ao tema da Unión Europea. Neste caso, son unhas imaxes do momento da sinatura da adhesión española á CEE, aló polo ano 1986. As imaxes son orixinais de TVE e tralo discurso de rigor, asinan El-Rei e máis o presidente de goberno, Felipe González. Como feito histórico, pode ser curioso para moitos de vós. Pronto haberá máis material e algo máis sesudo.